Mayısnıñ 3-nde Ukrainada 2472 yañı COVID-19 hastası qayd etildi (ORDLO ve işğal etilgen Qırım ve Aqyar esaplanmay – QA).
Keçken künü 1325 adam hastahanege yatqızıldı, 7815 tedaviylendi ve 166 hasta öldi, dep haber ete Azatlıq Radiosı.
Eñ çoq hasta Donetsk (324), Dnipro (220), Harkiv (191), Çerkası (253) ve Odesa (168) vilâyetlerinde qayd etildi.
Hatırlatamız, mayısnıñ 1-nde Ukrainada 5094 koronavirus hastası qayd etildi.
Ukraina Sağlıq saqlav nazirliginiñ malümatına köre, pandemiya vaqtında episi olıp Ukraina 2 milliondan ziyade insan koronavirusqa oğrağan, 1,68 milliondan ziyade tedaviylengen ve 44916 vefat etken.
COVID-19 koronavirus yuqunçı
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
