Link açıqlığı

Saatnıñ esas haberi

Ukrainanıñ temsilcisi Viyanadki OSCE oturışıñ neticeleri aqqında aytıp berdi


Yevgen Tsımbalük
Yevgen Tsımbalük

Yanvarnıñ 13-nde OSCE-niñ Viyanada keçirilgen oturışı nevbetteki kiçik diplomatik ğalebe oldı - böyle fikirni Ukrainanıñ Viyanadaki halqara teşkilâtlarındaki daimiy temsilcisi Yevgen Tsımbalük bildirdi, dep haber ete Azatlıq Radiosınıñ mühbiri.

O, OSCE-niñ oturışını müsbet qıymetlendirdi. Tsımbalüknıñ sözlerine köre, o, bütün ortaqlarğa Ukrainanıñ telükesiziligi bütün Avropanıñ telükesiziligi olğanını añlatmağa tırışqan.

Diplomat qayd etti ki, Rusiyeniñ tecavuzına ve Qırımnıñ ve ORDLO işğaline soñ qoyulması "Avropada telükesizlikniñ eñ yahşı kefaleti olacaq".

"Telükesizlikniñ bölünmezligi ile bağlı meselege dair fikir aytqan aman-aman bütün delegatsityalar Ukrainağa qoltuttı. Biz açıq şekilde bildirdik ki, bizim içün er angi tesir saalarına qaytuv ya da telükesizlik teşkilâtlarında iştirak ceetinden Rusiye narrativiniñ qabul ettirilüvi qabul olunmazdır ve Ukrainanıñ telükesizlik bağlaşımları ya da telükesizilk planları ceetinden öz yolunı seçmege aqqı bar", - dedi Tsımbalük.

Yanvarnıñ 13-nde Viyanadki aytışmalarnıñ maqsadı Ukrainanıñ sıñırlarında Rusiye ordusınıñ toplanması ile bağlı kerginlikni zayıflaştırmaq edi.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG