Ukraina Yuqarı Radasınıñ deputatı Volodımır Aryev Ukrainanıñ sabıq prezidenti Petro Poroşenko bulunğan maşinağa ücüm etilgenini bildirdi.
«Tituşkalar Devlet tahqiqatlar bürosınıñ çıqışında Poroşenkonıñ maşinasına ücüm etip, qaravullarnen kötekleşmege başladı ve Zafer meydanı tarafına qaçıp ketkenler. Yigirmige yaqın politsiya hadimi artından çapıp ketti. Üç-dört klassik sportçı tituşka bar edi. Regionlılar vaqtı tez-tez qayta», – dep yazdı o, Facebook saifesinde.
Ücüm ve kötek videosını «Strana.ua» de aydınlattı.
Kyiv politsiyasınıñ matbuat hızmeti Oksana Blişçikniñ Azatlıq Radiosına bildirgenine köre, adise yekâne reyestrde qayd etildi: sabıq prezidentniñ maşinası tıqanıqlıqta turğanda kimligi belli olmağan üç kişi ücüm etti, qaravulnen çatışqanlar dağıldı ve olarnı tutıp olamadılar.
Ukrainanıñ sabıq prezidenti Petro Poroşenko bugün Devlet tahqiqat bürosında sorğuda edi.
İyülniñ 17-nde DTB Poroşenkonı sorğuğa davet etti. O, saylav kampaniyası vaqtında meşğul olğanını bildirip kelmehen edi.
