Ukraina TİN başı Dmıtro Kuleba Ukrainanıñ Poloniyadaki elçiliginiñ eki hadimi keri çağırılğanı aqqında bildirdi. Olarnı qaçaq mallarnıñ ital etilüvi vaqtında tutqanlar, dep haber ete Azatlıq Radiosı.
«Tünevin Ukrainanıñ Poloniyadaki elçiliginiñ eki hadimini Ukrainadan Poloniyağa iş maşnasınen çoq para, altın ve qaçaq sigaretler ital etken vaqtında tuttılar. Adden aşır bir vaqia», – dedi nazir.
Onıñ bildirgenine köre hadimlerge qarşı intizamiy tahqiqat başlanğan, onıñ neticelerine köre qarar çıqarılacaq.
Kuleba, TİN qanun qoruyıcı organlernen bu dava çerçivesinde ertaraflama işbirlik etecegine inandırdı.
Yaqalanğanlarnıñ adı ve soyadı belli degil, tefsirleri de yoq.
