Link açıqlığı

Saatnıñ esas haberi

Ukrainanıñ ABD-deki elçisi: «Zelenskıy ve Bidenniñ körüşüvini teşkil etme üzerinde faal işleymiz»


Oksana Markarova

Ukrainada prezident Volodımır Zelenskıynıñ Amerika devlet başı Joseph Biden ile körüşüviniñ teşkil etilmesi üzerinde çalışalar. Bunı Ukrainanıñ ABD-deki elçisi Oksana Markarov Azatlıq Radiosına bildirdi. ​

«Em men, em nazirlik, em Prezident ofisi bizim ABD-ne ziyaretlerimizni ve Amerika prezidenti ve memurlarnıñ Ukrainağa ziyaretini teşkil etme üzerinde faal çalışamız», – dep qayd etti Markarova.

Bundan ğayrı o, pandemiya memurlarnıñ şahsiy körüşüvlerini teşkil etmesini mürekkepleştire, dep ayttı.

«Unutmayıq ki, amma bugünde ziyaretler ile bağlı vaziyet yalıñız siyasiy irade ve cedvellerge degil, amma daa COVID-19 vaziyetine de bağlı», – dedi Markarova.

ABD prezidenti Joseph Biden ve Ukraina devlet başı Volodımır Zelenskıy aprelniñ 2-nde​ telefondan laf ettiler. Bu laqırdı 30-40 daqqa devam etti, esas mevzu Donbasta Rusiye ordusınıñ toplanuvı oldı. Ukraina prezidenti Volodımır Zelenskıy öz Twitter saifesinde, Amerika devlet başı ile «laf etmege memnün olğanını» ve Amerikanıñ destegine büyük qıymet bergenini haber etti.

«Demokratiyamıznıñ qoruvı aqqında söz ketkende, omuz omuzğa berip ketemiz. Ukrainanınıñ şeklini deñiştirmek, şeffaflıqnı eyilleştirmek ve barışıqqa irişmek istegim o qadar küçlü ki. Amerika ortaqlığı Ukraina içün pek müimdir», – dep yazdı o.

XS
SM
MD
LG