Ukraina siyasiy studiyalar mektebiniñ eyyeti Strasburgda (World Forum for Democracy) Dünya demokratiya forumında Rusiye apsinde bulunğan ukrainalı siyasiy mabüslerge qoltutuv aktsiyasını keçirdi.
«Muzakereler etraftaki müitnen bağlı olsa da, Rusiyede, işğal etilgen Qırımda ve Ukrainanıñ şarqında tutulğan Ukraina vatandaşları olğan siyasiy mabüsler mevzusını körmemezlikke uramaymız. Ukraina siyasiy studiyalar mektebiniñ eyyeti Forum vaqtında aktsiya ötkerip, Avropağa Rusiye Federatsiyasınıñ Ukrainağa qarşı yapqan arbiy tecavuzı, Qırım işğali ve yarımadada ve vaqtınca işğal etilgen Donetsk ve Lugansk vilâyetleriniñ rayonlarında insan aqları bozulğanı aqqında hatırlattı», – dep aytıla Ukraina siyasiy studiyalar mektebiniñ haberinde.
Aq qorçalayıcılarnıñ malümatına köre, Qırım ve Rusiyedeki Rusiye apishanelerinde 127 ukrainalı siyasiy mabüs tutula.
Ukraina prezidenti Volodımır Zelenskıy Kreml ukrainalı siyasiy mabüslerni, hususan qırımlılarnıñ Rusiye apsinden azat etüv esnasını «aqsata», dep aytqan edi.
Qırımnıñ Rusiye yolbaşçısı Sergey Aksenov Qırımda siyasiy mabüsler «kesen-kes yoq», dep israr ete.
