Ukrainalılarnıñ 52,1%-ı, devlet qırımtatar tili ve medeniyetine çoqça qol tutmalı, dep tüşüne. Bunı «Siyasiy talil mektebi» sımarlağan Info Sapiens soravınıñ neticeleri köstere.
Eñ çoq bu ğayege Ukrainanıñ ğarbinde qol tutalar – 69,7%, Herson vilâyeti de kirgen cenüpte bu raqam 42,7%-nı teşkil ete.
Qırımtatar tili ve medeniyetine kösterilgen destek arttırıluvınıñ eñ az tarafdarı Ukrainanıñ şarqında qayd etile – 22,4%, lâkin çoqusı bu sualge cevap berip olamadı (25%) ya da «ya ebet, ya yoq» cevabını berdi (38,9%).
Qayd etilgenine köre, sorav 2020 senesi martnıñ 5-nden 24-ne qadar keçirildi. 16 yaşından başlap 1000 kişi soruldı.
Bu sene fevral ayında sabıq Ukraina medeniyet, gençlik ve sport naziri Volodımır Borodânskıy bildirdi ki, 2020 senesi işğal etilgen Qırım sakinleri içün ukrain ve qırımtatar tilleri online kursları başlatıla.
