Ukrainalı çalğıcı Maks Ptaşnik, Apple Music for Artists hızmetinde Ukraina haritası Qırımsız kösterilgenini bildirdi. Bunıñ aqqında o öz Facebook saifesinde yazdı.
"Men şamata kötergenlerden degilim. Amma icracılar içün Apple Music for Artists kibi hızmet bar. Anda statistikanı ve diger şeylerni baqmak mumkün. Ukraina haritası anda mına böyle köstirilgen. Yazıq", - dep yazdı çalğıcı.
Büyük Britaniyada Ukraina elçiligi, The Guardian matbuatı dünyada koronavirus tarqalması aqqındaki maqalede artıq Qırımnı Rusiye qısmı kibi köstermey.
