Ukrainalı fizik, siyasetçi ve cemaat erbabı İvan Vakarçuk 73 yaşında vefat etti, dep bildirdi halq deputatı ve Ukraina milliy hatıra institutınıñ sabıq yolbaşçııs Volodımır Vâtrovıç Facebookta. Bu malümatnı içtimaiy ağlarda İvan Vakarçuknıñ oğlu, ukrainalı rok-icracısı ve siyasetçi Svâtoslav Vakarçuk da tasdıqladı.
«Büyük ğayıp. İvan Vakarçuk aramızdan ayırıldı. Ulu insan, yaşayışnı eyiliştirmege bilgen bir insan. Menim içün sevimli alma mater rektorı, işbirligi yapqan ve bu saanı deñiştirgen tasil naziri. Ebediy hatıramızda», – dep yazdı Vâtrovıç.
Ölüm sebepleri aydınlatılmay.
«Bugün eñ yahşı dostum vefat etti… Meni bu dünyada er kesten yahşı is etken, añlağan ve bilgen insan…», – dep yazdı Svâtoslav Vakarçuk.
İvan Vakarçuk – fizik-matematik ilimleri doktorı, Ukrainada nam qazanğan ilim ve tehnika erbabı, 2007-2010 seneleri Ukraina Tasil ve ilim naziri, yıllar devamında İvan Franko Lviv milliy universitetiniñ rektorı edi. 2007 senesi Ukraina Qaramanı unvanını qazandı. İvan Vakarçuk – halq deputatı, «Ses» firqasınıñ lideri, «Okean Elzı» rok-gruppasınıñ solisti Svâtoslav Vakarçuknıñ babasıdır.
