Ukraina ve Rusiye arasındaki dostluq añlaşması, aprelniñ 1-inden amelde degil. Muqavele müddeti martnıñ 31-inde toqtatıldı. Yuqarı Rada 2018 senesi dekabr 6-sında bu muqaveleniñ devam etilmemesi aqqında qanunnı qabul etti.
Ukraina ve Rusiye arasında dostluq muqavelesi 1997 senesi imzalanğan edi ve o alâ daa amelde. Başqalarnıñ arasında, muqavele tarafları “biri biriniñ territorial bütünligini ürmet etip, aralarında olğan sıñırlarnıñ bozulamamasını tasdıqlay” ve “suveren musaviylikniñ eki taraflı ürmeti, sıñır bozulmaması, davalarnıñ barışıqlı çezmesi, küç qullanmaması ve küçnen qorquzmaması printsipleri esasında biri birinen munasebet qura”maddeleri de bar.
Vesiqa müddeti on yıl edi, ondan soñ. 2008 senesi onıñ ameli uzatıldı. Muqavele amelini toqtatmaq içün, Ukraina, yañı onyıllıqnıñ bitmesine eñ azdan 6 ay qalğanda, yani 2018 senesi sentâbr 30-ınace, Rusiyege resmiy bildirüv yollamaq kerek.
