Aprelniñ 10-nda Ukrainada daa 308 COVID-19 koronavirus hastası qayd etildi, dep bildire Sağlıq nazirligi. Hastalarnıñ umumiy sayısı 2511-ge arttı.
Aynı vaqıtta, Sağlıq nazirligi tüzelgenlerniñ sayısı 79 olıp, vefat etken 73 insandan çoq oldı.
Eñ çoq hasta Çernivtsi vilâyetinde (409), Kyivde (396) ve İvano-Frankivsk vilâyetinde (274) qayd etildi. Bu malümat Donetsk ve Lugansk vilâyetleriniñ işğal etilgen topraqlarını ve işğal altındaki Qırımnı saymay.
Sağlıq naziriniñ muavini Viktor Lâşkonıñ saba brifinginde bildirgenine köre, keçken künü 3017 tedqiq yapıldı. 287-si hastahanede olğan pnevmoniya hastalarına yapıldı.
Aprelniñ 10-nda, Reuters agentliginiñ malümatına köre, dünyada koronavirustan ölgenlerniñ sayısı 100 biñge arttı, hastalarnıñ sayısı ise 1,6 millionnı aştı.
