Ukrainada martnıñ 9-nda ukrain şairi ve ressamı Taras Şevçenko doğğanınıñ 205 yılı qayd etile.
Ukraina prezidenti Petro Poroşenko ukrainalılarnı Şevçenkonıñ doğğan künü ile hayırlap, Kobzar «öz şiirlerinen ukrainalılarğa er devirde tarihiy hatırasını qaytara, milliy añını uyata ve azatlıq oğrunda küreş içün ilham bere», dep qayd etti.
Keçken künü Keriçte martnıñ 9-nda ukrain şairi, ressamı Taras Şevçenko doğğan kününiñ 205 yılı munasebetinen hatıra tedbirleri keçirilecek, dep haber etilgen edi.
Bıltır Aqyar, Aqmescit, Keriç sakinleri Şevçenkonıñ doğğan kününde onıñ abidesine çeçek qoyğan edi.
Taras Şevçenko 1814 senesi martnıñ 9-nda dünyağa kelip, edebiyat ve ressamlıq icadı sayesinde meşur oldı. O, ukrain medeniyetiniñ eñ büyük timsallerinden biri ola.
