Ukraina Silâlı quvetleriniñ Baş ştabı Rusiye ordusı Ukrainağa ücüm etken soñ tahminen 9000 asker elâk oldı.
Berilgen malümatqa köre, Rusiye Federatsiyasınıñ ğayıpları:
- Tanklar – 217;
- Zırhlı Cenk maşinaları – 900;
- Top sistemaları – 90;
- Çoqlu ateş raketa sistemaları – 11;
- Uçaqlar – 30 (malümat beklenile);
- Vertolötlar – 31 (malümat beklenile);
- Maşina tehnikaları – 374;
- Yengil suratlı katerler – 2;
- Parom-köpür maşinaları tsisternaları – 60;
- Operativ-taktik seviyeli pilotsız uçuş apparatları – 3.
Ukraina Silâlı quvetleri cenk uruşları çoq olğanı içün elâk olğanlarnıñ sayısını esaplamaq zor ola, dep qayd ete.
Rusiye Mudafaa nazirligi Rusiye Federatsiyası Ukrainağa ücüm etkeninden berli ilk sfer Ukrainada elâk olğan ve yaralanğan Rusiye askerleriniñ sayısını aydınlattı: 498 kişi elâk oldı ve 1597 insan yaralandı.
Ukrainada Rusiye ücüm etken soñ arbiy vaziyet ilân etildi. Fevralniñ 24-nde saba saat 5-te Rusiye prezidenti Vladimir Putin «DNR» ve «LNR» gruppirovkalarınıñ «muracaatından» soñ Donbasta «mahsus operatsiya» başlatqanını ilân etti.
Ukraina prezidenti Volodımır Zelenskıy umumiy seferberlik buyruğını imzaladı. Ğarp memleketleri Ukrainağa yapılğan ücüm sebebinden Rusiyege qarşı yañı sanktsiyalarnı qullanıp başladı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: rukrymr.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
