Ukrainada iyül 10-unda 800 adamnıñ koronavirus hastalığı tasdıqlandı.
Bütün müddet devamında 52843 ukrainniñ COVID-19 hastalığı qayd etildi. Bunı Ukraina Milliy Telükesizligi ve Mudafaası Şuraşınıñ malümatı bildire, yaza Azatlıq Radiosı.
Epidemiya devamında koronavirus infektsiyasından umumen 1372 adam vefat etti. 25661 adam yahşı oldı.
Ekinci künden berli tedaviylengenlerniñ sayısı yañı hastalarnıñ sayısından çoqçadır. İyül 9-ında 819 hastalıq ve 1016 tedaviylev adisesi qayd etildi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
