«Kreml siyasiy mabüsleriniñ tuvğanları birleşmesi» bildirgenine köre, Rusiyede tutulğan ukrainalılarnıñ ailelerine yardım etmek içün para toplamağa devam eteler. Bu aqta teşebbüsniñ Facebook saifesinde aytıla.
«Kreml siyasiy mabüsleriniñ imayesine ve aş ve ilâcnıñ 85%-ını topladıq, daa az qaldı», – dep aytıla haberde.
Faallerniñ malümatına köre, 138 biñ ğrıvnâdan ziyade toplandı.
ZMINA insan aqları merkeziniñ reisi Tatyana Peçonçik, Ukrainada Kreml reinelerine sistematik qoltutmaq içün siyasiy mabüsler qanunı tez vaqıtta qabul etilmeli, dep bildirgen edi.
Ukraina Tış işler nazirliginiñ malümatına köre, Rusiye 70-ten ziyade ukrainalını qanunsız alda tuta. Olarnıñ arasına 2018 senesi noyabr ayında Qara deñiz yalısı yaqınlarında Rusiye tarafından zapt etilgen 24 ukrainalı deñizci ve Donbastaki esirler kirmemekte.
