Yarı gecede Ukrainada Yuqarı Rada saylavları arfesinde «sessizlik künü» başlandı, dep haber ete Azatlıq Radiosı.
Milliy deputatlarnı saylav qanunına köre, «rey berüv künü ögüne soñki cuma kününiñ saat 24-den soñ yerli icra akimiyet organları ve yerli idare organlarınıñ hızmetleri tarafından saylavaldı teşviqatçı malümatlar alıp taşlana».
Ukrainanıñ memuriy cinayetler kodeksine köre, «sessizlik künü» ya da saylavlar kününde yapılğan teşviqat içün memurlarğa 850 ğrıvnâdan 1360 ğrıvnâğa qadar ve diger vatandaşlarğa 510-dan 850 ğrıvnâğa qadar para cezası berile,
Nevbetten tış milliy deputat saylavları iyülniñ 21-nde keçirilecek. Aman-aman altı biñ namzet iştirak etecek.
Avgustnıñ 5-ne qadar Milliy saylav komissiyası saylavlarnıñ neticelerini belgilemeli, avgustnıñ 10-na qadar ise olarnı resmiy matbuatta aydınlatmaq kerekler.
2019 senesi sentâbrniñ 9-na yaqın Rada birinci toplaşuvını ötkermeli.
