Link açıqlığı

Saatnıñ esas haberi

Ukrainada Rusiye arbiyleriniñ qorantaları içün hat açıldı – Ukraina Tış işler nazirligi


Ukrainada Rusiye arbiy tehnikası
Ukrainada Rusiye arbiy tehnikası

Ukraina Tış işler nazirligi rusiyeliler Ukrainağa ücüm etken soy-soplarınıñ alını bilmek içün telefon ete bilecek nomerlerni aydınlattı. Anda «sağlarmı, esir alındılarmı, yaralanğanlarmı» malümat berilecek.

«Soñki ayları soy-soplarıñız talimlerge ketken olsa ve bağğa çıqmasa, büyük ihtimalnen, olar Ukrainağa ücüm etüvde iştirak ete. Eki kün içinde Ukraina ordusı 3 biñden çoq Rusiye istilâcısını öldürdi ve yaraladı, 200-den çoq esir alındı», – dep bildire Tış işler nazirliginiñ malümatını «Nastoyaşçeye Vremâ» telekanalı (RFE/RL şirketi tarafından «Amerikanıñ sesi» iştirakinen quruldı).

«Tuvğanıñız esir alınğan olsa, aqayıñız, oğluñız içün qısqa bir haber qaldıra bileceksiñiz», – dep teklif etti rusiyelilerge Ukraina diplomatları.

Rusiye Mudafaa nazirligi Ukraina ile cenkte askerleri ölemi haber etmey. Fevralniñ 25-nde müessise «Rusiye silâlı quvetleriniñ Ukrainanı askeriysizleştirüv operatsiyasında ğayıpları yoq», dep bildirdi.

Rusiye silâlı quvetleri fevralniñ 24-nden itibaren bütün Ukrainağa avadan darbe endire. Kyivde atışlar kete, Ukraina ordusı ücüm etken Rusiye bölüklerinen cenkleşe.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG