Link açıqlığı

Saatnıñ esas haberi

Ukrainada qırımlılar içün tasil merkezleriniñ sayısı aman-aman üç qat arttı – nazirlik


Soñki eki yıl devamında qırımlılarğa esas Ukrainadaki aliy oquv yurtlarına oqumağa kirmege yardım etken «Qırım – Ukrainadır» tasil merkezleriniñ sayısı üç qat arttı, şimdi 35 danesi bar. Bu aqta Ukraina tasil ve ilim nazirligi UNN ukrain haber agentliginiñ muracaatına bergen cevapta aytıla.

«2017 ve 2018 seneleri aliy tasil oquv yurtları esasında (Berdânsk, Dnipro, Zaporijjâ, İzmail, Kyiv, Melitopol, Mikolayıv, Odesa, Pervomaysk, Harkiv, Herson şeerleri) «Qırım – Ukrainadır» 35 merkezi çalışqan edi», – dep aytıla cevapta.

Nazirlikniñ malümatına köre, «Qırım – Ukrainadır» tasil merkezleriniñ 3 yıllıq işinde bu merkezler vastasınen oqumağa kirgenlerniñ sayısı eki qat arttı: 2016 senesi 153 qırımlı, 2017 senesi 204 qırımlı, 2018 senesi ise 227 insan oldı.

Nazirlik 2019 senesi kene de «Qırım – Ukrainadır» adlı 35 merkez çalışacaq, dep bildirdi.

Daa evel Ukraina tasil ve İlim nazirligi Qırım ve Donbas abituriyentleri içün talimat derc etken edi.

XS
SM
MD
LG