Ukrainada aprelniñ 21-i sabasına qadar 6125 COVID-19 hastası qayd etildi (işğal etilgen Qırım ve Aqyar, işğal etilgen Donbas topraqları sayılmay), 161 insan vefat etti, 367 kişi tüzelip yahşı oldı. Bu aqta Cemaat sağlıq merkezi haber etti, dep bildire Azatlıq Radiosı.
«Umumen Ukrainada 61997 koronavirus tedqiqi yapıldı. Aprelniñ 20-nde 415 yañı hasta aqqında malümat berildi», – dep aytıla haberde.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
