Link açıqlığı

Saatnıñ esas haberi

Ukrainada parlament saylavları başlandı


İyülniñ 21-nde saat 8-de Ukrainada parlament saylavları başlandı. Rey berüv saat 20:00-ğa qadar devam etecek. Bu aqta Azatlıq Radiosı haber ete.

Milliy deputatlar saylavlarında aman-aman altı biñ namzet iştirak ete. Olardan 2747-si çoq mandatlı saylav okrugında 225 deputat yerine iddia etken 22 firqanıñ saylav cedveli boyunca kete. Firqalarnıñ cedveli budır:

  • «Opozıtsiynıy blok»;
  • «Sıla i çest»;
  • «Batkivşçına»;
  • «Patriot»;
  • «Sıla lüdey»;
  • «Opozıtsiyna platforma – Za jıttâ»;
  • «Partiya zelenıh Ukrainı»;
  • «Fakel»;
  • «Samopomiç»;
  • «Yevropeyska solidarnist»;
  • «Ukrayınska strategiya Ğroysmana»;
  • «Ğrajdanska pozıtsiya»;
  • «Sotsialna spravedlıvist»;
  • «Sluğa narodu»;
  • «Sıla prava»;
  • «Radıkalna partiya Oleğa Lâşka»;
  • «Partiya Şariya»;
  • «Ğolos»;
  • «Nezalejnist»;
  • «Ağrarna partiya Ukrayını»;
  • «Svoboda»;
  • «Ruh novıh sıl Mıhayla Saakaşvili».

Qalğan namzetler 199 majoritar okrugda namzetini köstere. Donbas ve Qırımdaki 26 okrugda saylavlar keçirilmey, çünki Ukraina akimiyeti bu topraqlarnı vaqtınca kontrol etmey.

Avgustnıñ 5-ne qadar Milliy saylav komissiyası saylavlarnıñ neticelerini belgilemeli, avgustnıñ 10-na qadar ise olarnı resmiy matbuatta aydınlatmaq kerekler.

2019 senesi sentâbrniñ 9-na yaqın Rada birinci toplaşuvını ötkermeli.

Ukraina Yuqarı Radasına firqa cedvelleri boyunca Qırımtatar Milliy Meclisiniñ beş vekili namzet kösterecek: qırımtatar halqınıñ lideri Mustafa Cemilev ve Meclis reisiniñ muavini Ahtem Çiygoz (Petro Poroşenkonıñ «Avropa birdemligi» firqası), Meclis reisi Refat Çubarov (İgor Smeşkonıñ «Küç ve namus» firqası), Gayana Yüksel (Ukrainanıñ yeşiller firqası), Qırımtatar Milliy Meclisiniñ azası ve Abmecit Suleymanov («Ukraina Halq Areketi»).

Yuqarı Rada saylavlarına tek Qırımtatar Milliy Meclisiniñ temsilcileri namzet köstermey. Olarnıñ arasında – ukrain jurnalisti ve qırımtatar asıllı devlet erbabı, Ukraina informatsion siyaseti naziriniñ birinci muavini Emine Ceppar («Ğroysmannıñ ukrain strategiyası» firqası), Qırımtatar Milliy Qurultayınıñ delegatı Rustem Umerov, «KrımSOS» teşebbüsiniñ koordinatorı Tamila Taşeva ve «VostokSOS» hayriye fondunıñ icra müdiri Aleksandra Dvoretskaya (üçü de Svâtoslav Vakarçuknıñ «Ses» firqasından), qırımlı bloger ve dizayner Liza Bogutskaya (Volodımır Zelenskıynıñ «Halq hızmetçisi» firqası), qırımlı, Ukrainanıñ sabıq halq deputatı Andrey Sençenko («Aq küçü»), cemaat faali, göñülli, Qırımdan köçken Natalya Lütikova («Ukraina Halq Areketi»).

XS
SM
MD
LG