İvano-Frankivsk şeerinde koronavirusnen hastalanğan qadın vefat etti. Bu aqta Azatlıq Radiosı Ukraina sağlıq nazirliginiñ malümatına esaslanıp bildirdi.
«Hasta hastahanege ağır alda ketirildi. Uzun vaqıt özüni tedaviylemege tırıştı ve ekimlerge pek keç muracaat etti. Qadın hastahanege kelgeninden bir künden soñ vefat etti, COVID-19 testiniñ neticeleri bile daa kelmedi», – dep aytıla haberde.
Sağlıq nazirliginiñ malümatına köre, Ukrainada 21 koronavirus hastası resmiy şekilde tasdıqlandı.
Sağlıq nazirligi hastalıqnıñ ilk alâmetleri peyda olğanınen mıtlaqa aile ekimine muracaat etmege çağıra. Özüni qorumaq içün ise eñ yahşı yol evde qalmaq ola.
