Çernivtsi vilâyetinde koronavirustan 33 yaşındaki qadın öldi, haber ete Ukraina Sağlıq Nazirligi.
"Ukrainada tasdıqlanğan 14 COVID-19 adisesi bar, olardan ekisi ölümnen bitti", - denile beyanatta.
Koronavirus adiseleri böyle vilâyetlerde qay etildi: Çernivtsi (10), Jıtomir (1), Kyiv (1) ve Kyiv şeerinde (2).
Haber etile ki, martnıñ 17-sinde Kyiv vilâyetinde çetelden qaytqan 44 yaşındaki aqayda koronavirus hastalığı qayd etildi.
Yañı çeşit koronavirus yuqunçı 2019 senesi dekabr ayında Qıtayda tarqalıp başladı.
2019-nCov (COVID-19) virusı büyük koronaviruslar gruppasına aittir. Bazılarda hastalıq qolay keçe, bazılarınla suvuqlanuv ve gripp alâmetleri, em de yüksek sıcaq ve öksürik bar, ağır hastalarda nefes tarlığı qayd etile. Bu öldürici ola bilecek pnevmoniyağa keçe bile.
