Aprelniñ 2-nde Ukrainada 20341 COVID-19 hastası qayd etildi (ORDLO ve işğal etilgen Qırımsız – QA). Bu ise bir künde koronavirus hastalarınıñ antirekordıdır.
Azatlıq Radiosınıñ haber etkenine köre, tünevin 5186 adam hastahanege yatqızılğan, 9166 tüzelgen ve 396 hasta ölgen.
Bir künde 128 biñ test yapılğan.
Tünevin eñ çoq hasta Kyiv (2053), Lviv (1538), Odesa (1521), Harkiv (1470) ve Dnipro (1433) vilâyetlerinde qayd etilgen.
Bütün pandemiya vaqtında Ukrainada 1,7 milliondan ziyade insan koronavirusqa oğradı ve 34000 öldi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
