Ukrainada doquz COVID-19 adisesi tasdıqlandı. Bunı martnıñ 16-sında Ukraina Sağlıq Nazirligi bildire, dep haber ete Azatlıq Radiosı.
Beyanatqa köre, 80 teşkerüv menfiy netice berdi, daa 9 adise tedqiq etile.
Martnıñ 12-sinde Ukrainada koronavirus infektsiyasınıñ epidemiyası telükesi sebebinden karantin başlandı. O üç afta - aprelniñ 3-ünece devam etecek.
John Hopkins Universitetiniñ yanındaki Tetqiqat Merkezi bildirgeni kibi, martnıñ 16-sına qadar dünyada 169 biñden ziyade adam koronavirusnen hastalandı, 6500-den ziyade öldi, 77000-den ziyade yahşı oldı.
Yañı çeşit koronavirus yuqunçı 2019 senesi dekabr ayında Qıtayda tarqalıp başladı.
2019-nCov (COVID-19) virusı büyük koronaviruslar gruppasına aittir. Bazılarda hastalıq qolay keçe, bazılarınla suvuqlanuv ve gripp alâmetleri, em de yüksek sıcaq ve öksürik bar, ağır hastalarda nefes tarlığı qayd etile. Bu öldürici ola bilecek pnevmoniyağa keçe bile.
