Link açıqlığı

Saatnıñ esas haberi

Ukrainada Devlet bayraq kününi bayramını yapalar. Zelenskıy fleşmobnı ilân etti


Avgustnıñ 23-ünde Ukrainada Devlet bayrağı Künü qutlaylar. Bu bayramnı 2004 senesi öz qararınen prezident Leonid Kuçma tayin etken edi, ondan soñ prezidentlik yapqan Viktor Yuşenko, 2009 senesinde, avgust 23-ünde Ukraina bayrağınıñ köterilmesi merasimini başladı, bilidre Azatlıq Radiosı.

Bayram arfesinde Ukraina prezidenti Volodımır Zelenskıy, avgust 23-ünde Devlet bayrağı kününde, mavı-sarıikrain bayrağını asıp, fleşmob keçirmege teklif etti.

"Öyle yerler bar ki, anda Ukraina bayrağı içün adamlarnı apishanege alalar ve, bellesem, bu adamlar, öz bayrağınen serbest yürmek imkânı içün bayağı şeyden vazgeçir edi. Onıñ içün, keliñiz erinmeyip, soqaqlarımıznı sarı-mavı renklernen bezeteyik", - dedi Zelenskıy.

Cuma künü Kyivde Sofiyskaya meydanında Ukraina prezidenti, Ukraina bayrağınıñ tantanalı köterilmesi merasiminde iştirak etecek.

Resmiy malümatqa köre, 1991 senesi avgust 23-ünde bir qaç halq mebusı Yuqarı Radanıñ Sessiya zalına mavı-sarı bayraqnı ketirdi. O bayraqnı papaz Petro Boyko taqdis etken edi. Tamam bu vaqiağa Leonid Kuçmanıñ "Ukraina Devlet Bayraq Künü aqqında" fermanı bağışlanğa, Ertesi künü, 1991 senesi avgust 24-ünde Ukraina öz mustaqilligini ilân etti.

Anayasağa köre, Ukraina devlet bayrağı — eki sarı ve mavı yatma sızıqlı sancaqtır.

XS
SM
MD
LG