Tünevin Ukrainda 1022 yañı COVID-19 adisesi qayd etildi. Milliy Telükesizlik ve Mudafaa Hızmetiniñ malümatına köre, 651 yahşı oldı, 21-i ise elâk oldı. Bunı Azatlıq Radiosı bildire.
Haber etile ki, eñ çoq koronavirus hastası Lviv, Ivano-Frankivsk vilâyetlerinde ve Kyivde tasdıqlandı.
Pandemiyanıñ başlağanından berli koronavirus hastalarınıñ sayısı 67 597 adam oldı, 37 394 hasta yahşı oldı, 1650-si elâk oldı.
Aqyarda iyülniñ 28-nde saba üç yañı COVID-19 hastası qayd etildi. Qırımda 23 yañı COVID-19 hastası qayd etildi.
Umumen, Qırım akimiyetiniñ malümatına köre, Qırımda 1139 COVID-19 hastası qayd etildi, Aqyarda - 339.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
