Yanvarnıñ 29-nda Ukrainada 4685 yañı koronavirus hastası qayd etildi (ORDLO ve işğal etilgen Qırım ve Aqyarsız – QA).
Bu aqta Ukraina Sağlıq saqlav naziri Maksim Stepanov öz Facebook saifesinde haber etti.
Keçken künü 1906 adam hastahanege yatqızıldı, 11317 tedaviylendi ve 149 öldi, dep haber ete Azatlıq Radiosı.
Yanvarnıñ 29-nda Ukrainada 41781 test yapılğan.
Pandemiya başlağanından Ukraina qıtasında 1 216 278 adam COVID-19-ğa oğrağan, 1 014 658 tedaviylengen, 22 628 ölgen.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
