Ukrainada mayısnıñ 8-inde Hatıra ve barışıq Künü qayd etile. Bu kün 1945 senesi Almaniya Ekinci cian cenkinde teslim olğanını ilân etii.
Bu tarihni Ukraina Yuqarı Şurası, dekommunizatsiya (kommunizm timsalâtından vazgeçüv) siyasetini kerçekleştirerek, 2015 senesi aprel 9-ında tayin etti. O zaman mayısnıñ 9-ını, sovet vaqtından qalğan 1941-1945 seneleri Ulu Vatan cenkinde Ğalebe künü kibi degil de, Ekinci cian cenkinde natsizm üzerinde Ğalebe künü kibi qutlamağa qarar alındı. Hatıra timsali olaraq qaşqaş çiçegi saylanıldı.
2004 senesi BMT-niñ Baş Assambleyası, mayısnıñ 8-i Hatıra ve barışıq künü kibi tayinledi.
İlhaq etilgen Qırımda 2014 senesinden soñ, “Ğalebe künü” - Qızıl ordu ve sovet halqınıñ natsist Almaniya üzerinde yeñiş bayramı kibi - sovet ve Rusiye bayramı qutlana.
