Link açıqlığı

Saatnıñ esas haberi

Ukrainada bir künde qayd etilgen COVID-19 hastalarınıñ sayısı 7000-den çoq oldı


Ukrainada (işğal etilgen Qırım ve Aqyar, Donbas rayonları sayılmay) keçken künü, oktâbrniñ 21-nde, 7053 yañı COVID-19 hastası qayd etildi. Bu aqta Milliy mudafaa ve telükesizlik şurasınıñ Koronavirus epidemiyasınıñ tarqaluv monitoringi sistemasınıñ malümatında aytıla, dep haber ete Azatlıq Radiosı.

Keçken künü 116 insan vefat etti, 2679 kişi tüzeldi.

Eñ çoq hasta Kyivde (631), Harkiv (627) ve Odesa (600) vilâyetlerinde qayd etildi.

Epidemiya vaqtında Ukrainada 322879 koronavirus hastası qayd etildi. 6043 kişi vefat etti, 134 898 kişi tüzeldi.

Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.

O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.

2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.

XS
SM
MD
LG