Ukrainada bir künde, martnıñ 19-nda, 15292 yañı COVID-19 hastası (vaqtınca işğal etilgen Lugansk ve Donetsk vilâyetleriniñ rayonları ve işğal altındaki Qırım ve Aqyar sayılmay – QA) qayd etildi.
Keçken künü 4369 insan hastahanege alındı, 5190 kişi yahşı oldı, 260 insan vefat etti, dep haber ete Azatlıq Radiosı.
Bir künde 114719 test yapıldı.
Soñki künde eñ çoq hasta Kyivde (1070), Lviv (1180), Dnipro (1104), Jıtomır (1082) ve Odesa (1037) vilâyetlerinde qayd etildi. Pandemiya vaqtında Ukrainada 1,53 mln insan hastalandı, 29775 kişi vefat etti.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
