Ukrainada aprelniñ 2-si aqşamına qadar 897 koronavirus hastası (işğal altındaki topraqlar sayılmay) qayd etildi, dep bildire Sağlıq nazirligi.
Bu malümatqa köre, 19 insan tüzeldi, 22 kişi vefat etti.
Berilgen malümatqa köre, COVID-19 hastalığından ölgen insanlarnıñ 85%-ı 50 yaştan büyük edi,
Vefat etken çoqusı insanlarnıñ yürek-damar hastalıqları, şeker hastalığı, şişik, büyrek ve aqciger hastalıqları bar edi.
Soñki malümatqa köre, Rusiye işğal etken Qırımda 16 koronavirus hastası qayd etildi. 14-ü ketirildi, 4 kişi – yerli. Aqyarda 5 koronavirus hastası bar.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
