Link açıqlığı

Saatnıñ esas haberi

Ukrainada 918 meskün yer işğalden azat etildi – prezident


Volodımır Zelenskıy
Volodımır Zelenskıy

Ukrainada 918 meskün yer Rusiye ordusından azat etildi, dep bildirdi aprelniñ 15-nde aqşam muracaatı vaqtında Ukraina prezidenti Volodımır Zelenskıy.

«İşğalciler quvulğan vilâyet ve rayonlarımızda normal yaşayış ğayrıdan tiklene. İş pek çoq. Farqlı büyüklikte, amma bizim içün, Ukraina içün emiyetli olğan 918 meskün yer endi işğalden azat etildi. Mayın çıqaramız. Elektrik, suv ve gaz berilüvini yañıdan başlatamız. Polis, poçta, devlet ve yerli akimiyet qurulışlarınıñ işini yañıdan tikleymiz», – dep ayttı devlet yolbaşçısı.

Onıñ aytqanına köre, azat etilgen 338 meskün yerde gumanitar ştablarnıñ işi başladı.

«Muntazam ve acele tibbiy yardım berilüvini, imkân olğan yerlerde tasil müessiseleriniñ işini ğayrıdan tikleymiz. Çünki bugünde-bugün Rusiye ordusı memleketimizde 1018 tasil müessisesini viran etti ya da zarar ketirdi», – dep bildirdi o.

Bundan ğayrı, yol ve demir yolu seferleri ğayrıdan tiklene. Yarından başlap Çerniğiv ve Nejin arasında tren seferleri yañıdan başlaycaq ve Sumı vilâyetiniñ şeerleri arasında trenler endi qatnay.

Aynı vaqıtta, Zelenskıy Ukrainanıñ cenübi ve şarqında vaziyet «ğayrıdan tiklev aqqında aytmaqtan daa uzaq, pek qıyın».

Ukrayinağa qarşı Rusiye silâlı ücümi fevralniñ 24-nden sabadan berli devam ete. Rusiye ordusı arbiy ve vatandaş infrastrukturasınıñ esas obyektlerine avadan darbe endire, uçaq alanları, arbiy bölük, cermay bazaları, yaqıt stantsiyaları, kilse, mektep ve hastahanelerni viran ete.

Aprelniñ başında Moskva Ukrayina şimalinde faal olğanını toqtattı, dep bildirdi. Tezden Ukrayina akimiyeti Kıyiv, Çerniğiv ve Sumı vilâyetinde Rusiye arbiyleri qalmadı, dep ayttı.

Rusiye Ukrayinağa qarşı basqıncılıq cenk alıp barğanını inkâr ete ve bunı maqsadı «askeriysizleştirüv ve denatsifikatsiya» olğan «mahsus operatsiya» dep adlandıra.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d2ud65mnh9spru.cloudfront.net​. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG