Ukraina laboratoriyalarında 645 COVID-19 koronavirus hastası qayd etildi (vaqtınca işğal etilgen topraqlardaki adiseler sayılmay). Bu aqta martnıñ 31-nde aqşam Ukraina Sağlıq nazirligi bildire.
«Umumen Ukrainada COVID-19 hastalığından 17 insan öldi. Umumen 10 kişi tüzeldi – tekrar yapılğan tedqiq virusnı tapmadı», – dep aytıla haberde.
Martnıñ 31-nde saba Rusiye kontrolindeki Qırım yolbaşçısı Sergey Aksenov koronavirus yuqunçına oğrağan ekinci yerli insan tasdıqlandı, dep bildirdi. Böylece, Qırımda 16 kişi qayd etildi. Olardan 14-ü kelgenlerde, ekisi – yerli. Aqyarda 5 kişi koronavirusnen hastalandı.
Aqyar sakinleriniñ aprelniñ 1-nden itibaren acele bir şey olmasa, evden çıqmaları yasaq etildi.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
