Ukrainada keçken künü 910 adam koronavirusqa qarşı aşılanda, aşılama kampaniyasınıñ başlanğanından berli ise 17 947 adam, dep haber ete Azatlıq Radiosı.
Sağlıq saqlav nazirliginiñ malümatına köre, martnıñ 7-nde eñ çoq 240 aşılama Donetsk vilâyetinde yapılğan.
Ukrainada aşılamanı keçenlerde 29 muqavemetlev koçuci brigadası yapqan, dep qoştılar nazirlikte.
Fevralnıñ 24-nde Ukrainada tam şekilde koronavirus uqunçına qarşı aşılama kampaniyası başlandı.
Keçenlerde Ukraina Sağlıq saqlav naziri Maksim Stepanovnıñ haber etkenine köre, koronavirusqa qarşı bedava aşılama içün 155 biñden ziyade adam yazılğan.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
