İyün 12-sinde Ukrainada 753 adamda COVID-19 infektsiyası tasdıqlandı, bildire Ukraina Mudafaa ve Milliy Telükesizligi Şurası.
Müessiseniñ malümatına köre, bir künde 10 adam bu hastalıqtan vefat etti, 409 adam yahşı oldı. Şimdilik Ukrainada 15650 adam hasta, bildire Azatlıq Radiosı.
Umumen yılnıñ başından berli Ukrainada 30506 hastalıq adisesi qayd etildi, 880 adam vefat etti, 13976 yahşı oldı.
Bu soñki eki kün içinde ekinci antirekorddır - iyün 11-inde Ukrainda 689 yañı COVID-19 hastası tasıqlandı.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
