Link açıqlığı

Saatnıñ esas haberi

Ukraina ve NATO Qara ve Azaq deñizlerinde işbirligini muzakere eteler – Klimkin


Ukraina Tış işler naziri Pavlo Klimkin bazarertesi künü, oktâbrniñ 15-nde, Brüsselde NATO baş kâtibi Jens Stoltenberg ile körüşkende Azaq ve Qara deñizleri regionında Ukraina ve NATO arasındaki işbirligini muzakere ettiler.

«Qara ve Azaq deñizlerindeki işbirligimiz, silâ anbarları havfsızlığınıñ quvetleştirilmesi, fond ve leyhalarımıznıñ daa semereli faaliyeti. Er zaman olğanı kibi – NATO baş kâtibi Yens Stoltenberg ile dostane ve faydalı bir körüşüv», – dep yazdı Klimkin Twitterde.

Brüsselde NATO merkezinde oktâbrniñ 15-nde Ukraina tış işler naziri Pavlo Klimkin ve Şimaliy atlaniy alyansınıñ baş kâtibi Jens Stoltenberg ile körüşti.

Körüşüv aqqında kündüz NATOdaki Ukraina missiyası Twitter mikroblogında haber etti, körüşüv tafsilâtları aydınlatılmadı.

Soñki vaqıtları Azaq deñizi Rusiye uquq qoruyıcıları tarafından yapılğan bir sıra provokatsiyalarnıñ yeri olğan, sıñırcılar Ukraina limanlarına ketken ve andan kelgen gemilerni tutıp ala.

XS
SM
MD
LG