Ukrayina ve Estoniya G7 umumiy beyannamesiniñ yerine ketirilmesi çerçivesinde havfsızlıq kefaletleri boyunca eki taraflı añlaşmanıñ imzalanması aqqında muzakerelerni başladı, dep aytıla Ukrayina prezidenti Ofisiniñ saytında.
Ukrayina eyyetine devlet yolbaşçısınıñ ofisiniñ reberi Andriy Yermak yolbaşçılıq ete, muzakerelerni ise prezident ofisiniñ reber muavini İgor Jovkva keçirdi. Estoniya eyyetine tış işler naziriniñ muavini Küllike Sillaste-Elling yolbaşçılıq ete.
''Bizge büyük yardım köstergen bütün Baltıq memleketleri ile küçlü telükesizlik añlaşmalarını tizmek kerek. Estoniya, Letoniya ve Litvaniya da tecavuzcı ile sıñırdaş olğanından, telükesizlik borcumız mıtlaqa eki taraflı olmalı", – dep qayd etti Jovkva.
"Yedi gruppası" memleketleri tarafından 2023 senesi iyül ayında Vilnüste qabul etilgen Ukrayinağa qol tutuv beyannamesi çerçivesinde yedi telükesizlik añlaşması endi Büyük Britaniya, Almaniya, Frenkistan, Danimarka, Kanada, İtaliya ve Felemenk ile imzalandı.
Prezident ofisiniñ malümatına köre, Ukrayina al-azırda AQŞ, Yaponiya, Romaniya, Norvegiya, İspaniya, Yunanistan, Finlândiya, Latviya ve Avropa Birligi ile bunıñ kibi muzakereler keçire.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
