Yılnıñ başından Rusiyede ealiniñ migratsion artuvı 98 biñ insannı teşkil etti – soñki 10 yıl içinde bu eñ yüksek köstergiçtir. Bu aqta Azatlıq Radiosı Gaydar İsntitutı ve RANHiGS mütehassıslarınıñ «Rusiyedeki iqtisadiy vaziyetniñ monitoringi» tedqiqatında esaslanıp bildirdi.
«Rusiyeniñ büyük migratsion ortaqları olğan memleketlerinden Ermenistan ve Ukraina ile migratsion artuv büyük oldı. Beyazrusiye ve Moldovanen ise migratsion artuv köstergiçi tüşti. Rusiyeniñ esas migratsion donorları Qazahistan, Ukraina, Tacikistan ve Ermenistan ola», – dep aytıla tedqiqatta.
2019 senesi yanvar ayından aprel ayına qadar Rusiyege 218 biñ migrant keldi. Maruzada tedqiqatçılar köstergiçlerni «anomal» dep adlandıra. 2018 senesi migratsion artuv tahminen 125 biñ insannı teşkil etip, sovetler dağılğan soñ eñ alçaq köstergiç oldı.
Qaçaqlarğa yardım etken «Vatandaş yardımı» komiteti çetel vatandaşlarınıñ Rusiyeden çıqarılmasına dair esabatnı derc etken edi. Onıñ malümatına köre, 2018 senesi Rusiye mahkemeleri bunıñnen bağlı 130 biñ qarar çıqardı.
