Link açıqlığı

NATO baş kâtibi Anders Fogh Rasmussen Ukraina şarqiy sıñırlarından rusiye ordularınıñ ketkenleri aqqında haberdar degidir.

O şunı da qayd etti ki, Rusiye NATO ve Moskva arasında olğan işbirlikniñ printsiplerini bozdı ve bu al ileride eki taraflama munasebetlerni qurmağa imkân bermey.

Rasmussen Brüsselde çıqışta bulundı. Anda bugün NATO çetel işler nazirleriniñ eki künülik toplaşuvı başlandı. Kün tertibinde Ukraina meselesi turmaqtadır.

Soñki ayları Rusiye Ukraina şarqiy sıñırlarında biñlerce askerlerini topladı. Böyle areketler Qırımnıñ qoşuluvından soñ, Moskva Ukrainanıñ şarqiy sıñırlarını da işğal ete bilecegi aqqında qorqu doğurdı.

Keçken bazarertesi künü Rusiye mudaafa nazirligi ukrain sıñırlarından bir batalyonnıñ alıp çıquvını ilân etken edi. Sıñırlarda, Moskvada aytılğanı kibi, arbiy ögrenüvler keçirile edi.
XS
SM
MD
LG