İlhaq etilgen Qırım ile memuriy sıñırda Ukraina Devlet sıñır hızmetiniñ hadimleri, "Stalker 2.5" revolverini Qırımğa keçirmege tırışqan Ukraina vatandaşını toqtattılar.
Müessisege köre, bu silânı sıñırdan keçirmek yasaq.
"Sıñırcılar, Ukraina Cinaiy Kodeksniñ 263 maddesine - "Silâ, arbiy yedek ya da patlayıcı maddeler ile qanunsız qullanuv" - köre yapılğan cinayetçilikniñ ihtimalı bar, dep Milliy politsiyanıñ Kalançak bölüginiñ hadimlerine bildirdi ve tapılğan şeyni tahqiqat tedbirlerini yapmaq içün uquq qoruyıcılarğa berdi", - denile beyanatta.
Tutulğan qadınnıñ açıq tefsirleri şimdilik yoq.
