Ukraina TİN qırımtatar milliy areketiniñ iştirakçisi Rustem Üseinovnıñ eviniñ yıqtırılmasını takbih etti. Bunıñ aqqında Twitterde Ukraina TİN yolbaşçısınıñ birinci muavini Emine Ceppar yazdı.
"Qırımда işğalciler qırımtatarlarnı öz toprağında yaşamaq aqqından marum ete. Bugün qanunsız şekilde qırımtatar milliy areketiniñ faali Rustem Üseinovnıñ evini yıqtılar. O, mahkeme qararına qarşı şikâyet berdi, amma o baqılmadı", - dep yazdı Ceppar.
Hatırlatamız, noyabrniñ 24-nde Üseinovnıñ Qapsihordaki evine mahkme icracıları, Rusiye polisi, OMON hadimleri ve diger hızmetler evini yıqmaq içün keldi. Qırım.Aqiqat mühbiriniñ bildirgenine köre, bu yılnıñ yazında yerli memuriyetniñ "araziniñ qanunsız inşaatı aqqında" davası boyunca mahkeme esnası keçirilgen. Mahkeme Üseinovnıñ iştirgi olmadan keçken, çünki oña haber bile etilmegen.
Rusiye akimiyetiniñ Qapsihor (Sudaq) şeerinde evini yıqacaq olğan qırımtatar milliy areketiniñ veteranı Rustem Üseinov yaramadı, onı acele yardım alıp ketti.
Memuriy ve diger temsiliy organlarnıñaçıq tevfsirleri ve izaatları şimdilik yoq.
