Ukraina Tış işler nazirligi, "gaz borusında diversiya yapqanından" şübheli sayılıp apiske alınğan qırımtatar faali Nariman Celâl ve Aziz ve Asan Ahtemovlarnı azat etmege çağırğan Çehiya Cumhuriyetiniñ 27 azasına minnetdarlıq bildirdi.
"Çehiya Senatı ve Deputata palatasınıñ er bir azasına destek içün minnedarım", – dep yazdı TİN naziriniñ birinci muavini Emine Ceppar Twitterde.
Çehiya senatorları ve deputatları, 2021 snesi mart ayında Celâl Çehiya teşkil etken Qırımda insan aqları vaziyetine dair seminarda iştirak etkenini hatırlattı. Parlament azaları Celâlnıñ tevqif etilmesini "Qırım platforması" içün intiqan adladılar.
Senatorlar ve deputatlar Celâlnı ve diger Kreml masbüslerini deal azat etmege çağırdılar.
Advokat Nikolay Polozov Aqmescitte yaqalanğan qırımtata rfaali Nariman Celâlnıñ metübini yayınladı. Mektüpte Celâl böyle olacağına azır olğanını yazdı ve halqnı keri çekilmemege ve toqtamamağa çağırdı.
Aqmescitte tevqif etilgen qırımtatar faali Nariman Celâl SİZO-nıñ mahsus blokunda tutula. Anda o atta diger mabüslerden uzaqlaştırılğan. Bunı Celâlnıñ advokatı Nikolay Polozov haber etti.
Aqmescit civarındaki Anğara (Perevalnoye) köyü yaqınlarında «gaz borusında diversiya yapqanından» şübheli sayılıp apiske alınğan Aziz Ahtemov ve Asan Ahtemov tutulğan soñ FSB hadimleri tarafından iskencelerge oğratıldı.
