Ukraina TİN-de qırımtatar bayrağını köterdiler (+foto)

İyünniñ 26-nda Ukraina Tış işler nazirliginde tantanalı sürette qırımtatar bayrağı köterildi. Bunı Ukraina prezidentiniñ QMC-deki daimiy temsilciligi Facebookta haber etti. ​

Tedbirde Ukraina prezidetiniñ QMC-deki daimiy temsilcisiniñ muavini Tamila Taşeva, Ukraina TİN birinci muavini Emine Ceppar, Qırımtatar halqınıñ milliy lideri Mustafa Cemilev ve Qırımtatar Milliy Meclis reisi Refat Çubarov iştirak ettiler. ​

«Bugün eki bayram – Qırımtatar Milily Bayraq Künü ve Qırımtatar Qurultayınıñ ğayrıdan tiklenilmesiniñ yıllığı! Tarihiy adaletniñ ağayrıdan tiklenmek içün devamlıq ve küreş nümünemiz dünyada millionlarnen insanğa ilham bere», – dedi Emine Ceppar.

Cumaertesi künü, iyünniñ 26-nda qırımtatarlar Milliy Bayraq kününi qayd eteler.

Vinnitsa sakinleri balaban qırımtatar bayrağı üzerinde öz yazılarını qaldırdı. Tedbir Qırımtatar halqı Qurultayınıñ faaliyetiniñ 30-ncı yıldönümi ve qırımtatar Milily Bayraq künü munasebeti ile Bütün Ukraina aktsiyası çerçivesinde olıp keçti.

Bundan daa evel qırım sakinlerine öz tileklerini Kyiv, Lviv, Dnipro sakinleri yazdı.

Kyivde Yuqarı Radanıñ binası ögünde faaller qırımtatar halqınıñ bayrağını açtı, istegenler, hususan deputat ve yardımcıları, Qırım sakinleri içün tileklerini qaldırdı.

Kyivde Yuqarı Radanıñ binası ögünde faaller qırımtatar halqınıñ bayrağını açtı, istegenler, hususan deputat ve yardımcıları, Qırım sakinleri içün tileklerini qaldırdı.

Qırımtatar bayraq kününde, iyünniñ 26-nda, onı Qırım ve esas Ukrainanıñ memuriy sıñırından yarımadağa uçurmağa planlaştıralar.

Bayraq Donetsk vilâyetinde tikildi, andan Kyivge ketirildi. İyünniñ 15-nde aqşam bayraqnı Lvivge yollaycaqlar, iyünniñ 16-nda ise Taras Şevçenkonıñ abidesi yanındaki meydanda açacaqlar. İstegen er kes tilegini qaldıracaq. Andan bayraq Odesağa ketecek.