Link açıqlığı

Saatnıñ esas haberi

Ukraina TİN başı OSCE BDİPÇ müdiri ile Qırımdaki insan aqları bozuvlarını muzakere etti


Dmıtro Kuleba
Dmıtro Kuleba

Ukraina TİN başı Dmıtro Kuleba Avropada işbirlik ve telükesizlik teşkilâtınıñ Demokratik institutlar ve insan aqları bürosınıñ müdiri Matteo Mekaççi ile körüşüv vaqtında Rusiye tarafından işğal etilgen Qırımdaki insan aqlarınıñ bozuluvlarını ve ukrain siyasiy mabüsleriniñ aqlarınıñ qorunmasını muzakere etti.

Ukraina Tış işler nazirliginiñ matbuat hızmetinde bekrilgen malümatqa köre, nazir Ukrainanıñ milliy qanunlar ve halqara uquq qaidelerine uyğun olaraq Ukrainanıñ muvaqqat işğal etilgen topraqlarındaki insan aqları vaziyetiniñ regional ve halqara monitoring mehanizmleriniñ, şu cümleden uzaqtan monitoringiniñ kerekligine diqqat çekti.

«Körüşüvniñ ayrı bir mevzusı Rusiye Federatsiyası tarafından Qırımda ve Rusiyeniñ topraqlarında qanunsız tarzda apishanelerde tutulğan Ukraina vatandaşlarınıñ aqlarınıñ qarunması oldı», – dep qoştılar nazirlikte.

Evel ABD Devlet kâtibi Entoni Blinken, ABD Ukraina ve dünyanıñ diger memlekteleri siyasiy mabüsler kibi sayğan Qırım sakinleri ve diger ukrainlerniñ azat etilmyesi üzerinde çalışqanını bildirdi.

Qırım.Aqiqat Radiosınıñ studiyasında Qırım ve Aqyar şeeriniñ işğalge qarşı tirenüv kününe bağışlanğan marafon vaqtında Ukraina Yuqarı Radasınıñ insan aqları vekâletlisi Lüdmila Denisova deñişüv ile bağlı er angi aytışmalar buzlatılğan, dep bildirgen edi.

Advokat Nikolay Polozovnıñ bildirgenine köre, bugünde-bugün 130 Ukraina vatandaşı Rusiyede ya da Qırımda tutula.

XS
SM
MD
LG