Ukraina Tış işler nazirliginiñ başı Dmıtro Kuleba Aleksandr Lukaşenkonıñ Qırımnıñ ilhaqına dair sözlerine cevap berdi.
«Aleksandr Lukaşenkonıñ türlü media platformalarında muntazam olaraq aytqanlarınıñ qıymetlendirmeniñ manası yoqtır, dep sayam. Biz onıñ areketlerine qıymet kesecekmiz. Eger Belarusiye Qırımnıñ Rusiye tarafından qanunsız işğalini kerçekten tanığan kibi olsa , bu Ukraina ve Belarusiye arasındaki munasebetlerge tüzetilmez darbe endirir. Biz bar küçümiznen areket etecekmiz. Qırım meselesine kelgende, özümizni tutmayıq», – dedi Kuleba «Ukrinform» agentligine.
Ukraina naziri Lukaşenkonıñ aytqanlarını Rigada NATO Tış işler nazirleriniñ körüşüvi vaqtında tefsir etti.
Aleksandr Lukaşenko, Qırım BMT, AB, ABD, Ukraina ve onıñ ittifaqdaşalrı tarafından tanılmağan referendumdan soñ «asılında ve uquqça» Rusiyeniñ olğanını bildirdi. Bunı o, «Rossiya segodnâ» agentliginiñ baş müdiri Dmitriy Kiselövğa intervyü vaqtında bildirdi.
Noyabrniñ 4-nde Lukaşenko Vladimir Putinge Qırımnı ziyaret etmege istegneni aytqanını bildirgen edi.
2021 snesi avgust ayında Lukaşenko, soñki Rusiye oligarhı malalrnı yarımadağa teslim etip başlağan soñ işğal etilgen Qırımnı Rusiye qısmı kibi tanıycağını ayttı.
