Ukraina TİN yolbaşçısınıñ birinci muavini Emine Ceppar noyabrniñ 23-nde memuriy tevqiften soñ azat etilgen advokat Edem Semedlâyevni qarşılağan qırımtatar faalleriniñ Aqmescitte Rusiye quvetçileri tarafından yañı kütleviy tutulmasını takbih etti.
"Qırımda qırımtatar faalleriniñ yañı yaqalavları. 31 tutulğan kişi arasında qadınlar ve jurnalistler bar. Olar tevqif müddeti bitken advokat Edem Semelâyevni qarşılamağa keldiler. Rusiye deral Ukraiana vatandaşlarınıñ esassız yaqalavlarını toqtatmalı ve qanunsız tevqif etilgenlerni azat etmeli", - dep yazdı Ceppar Twiterde.
Aqmescitte noyabrniñ 23-nde aqşam Rusiye quvetçileri advokat Edem Semedlâyevni qarşılamaq içün Muvaqqat tutuv izolâtorınıñ binasına kelgen faallerni yaqaladı. 31 kişi yaqalanda, olarnıñ arasında 10 qadın, jurnalistler ve "Qırım birdemligi"niñ mühbirleri. Yaqalanğanlarnı polis bölüklerine alıp kettiler.
