Ukrayina telükesizlik hızmeti işğal etilgen Qırımda mahsus operatsiyalarnı quvetleştirmege niyetlene, dep bildirdi müessise yolbaşçısı Vasıl Malük Pоlitico intervyüsında.
Onıñ aytqanına köre, esas nişanlar arasında: rus arbiy gemileri, silâ ketirüv logistika koridorları, arbiy bazalar.
''Er bir mahsus operatsiyamız belli maqsatlarğa irişe ve öz neticelerini bere. Bütün bular Rusiye Federatsiyasınıñ cenk yapmaq imkânlarını zorlaştıra ve bizim ğalebemizni yaqınlaştıra", - dep qoştı o.
Mahsus hızmetniñ yolbaşçısı qayd etti ki, SBU Qara deñizde işini Sea Baby deñiz uçucısız uçaqları yardımınen devam etecek, olarnıñ yardımı ile Ukraina, Qırımdan Rusiye Federatsiyasınıñ Qara deñiz flotunı ket-kete çıqarmaqta.
2022 senesi oktâbr ayında Qırım (Keriç) köpründe patlav yüz berdi. 2023 senesi iyülniñ 17-nde Keriç köpründe daa bir patlav oldı.
2023 senesi oktâbr ayınıñ soñunda The Washington Post gazetası, ukrayin mahsus hızmetleriniñ gizli ameliyatları ve ABD mahsus hızmetlerinen işbirligine bağışlanğan materialında, ukrayin mahsus hızmetleri Keriç köprüne ücümlerniñ teşkilâtçıları olğanını yazdı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
