Qırımda tutulğan ve devlet hainliginden şübheli sayılğan İvan Yatskin Ukraina telükesizlik hızmetinen işbirligi yapmadı. Bu aqta müessiseniñ Qırım.Aqiqatnıñ infomatsion muracaatına bergen cevabında aytıla.
«Qırım Muhtar Cumhuriyeti sakininiñ tutulmasınen bağlı bir malümatımız yoq. Onıñ Ukraina telükesizlik hızmetinen yapqan işbirligi tahminleri – sebepsizdir», – dep aytıla Ukraina müessisesiniñ cevabında.
Rusiye tahqiqatınıñ bildirgenine köre, Yatskin Qırımda olıp, Ukraina telükesizlik hızmetine «Rusiye devlet sırı olğan malümatnı» bildirgen edi.
Rusiyeli advokat Nikolay Polozov, tutulğan Yatskin Qırımdan Moskvağa avuştırıldı, dep bildirgen edi. Onıñ aytqanına köre, Rusiye quvetçileri Yatskinge qarşı «büyük maneviy basqı yaptı».
TASS Rusiye haber agentligi, qırımlığa qarşı açılğan cinaiy dava tafsilâtları «tahqiqat menfaatları içün» aydınlatılmay, dep haber etken edi.
