Ukraina telükesizlik hızmeti, Şimaliy-Qırım kanalı yanında Herson vilâyetiniñ Kalançak rayonında hızmet hadimleri tapqan gizli silâ yeri aqqında bildire.
«Uquq qoruyıcılar Andan eki qol tankqa qarşı granata atıcı, polietilen paketlerge sarılğan 1,2 kg trotil ve 1 kg pirotehnik madde taptı», – dep aytıla Herson UTH idaresiniñ haberinde.
Müessise qayd etkenine köre, «silâ ya da patlayıcı maddelerni qanunsız qullanuv» maddesine istinaden cinaiy dava açıldı, tahqiqat tedbirleri devam ete.
«Gizli yerniñ menbaları ve onı yapqan şahıslar ögrenilmekte», – dep bildirdi idareniñ matbuat hızmeti.
