Link açıqlığı

Ukraina Rusiye baş naziri Volodımır Medvedevniñ Qırımğa ziyaretini takbih etip, «halqara areketler qaideleriniñ ciddiy bozuluvı» olaraq adlandıra.

Ukraina tışqı işler Nazirliginiñ spikeri Yevğen Perebeynos dedi ki, Ukraina Medvedevniñ Qırımğa ziyareti sebebinden Rusiyege sert bir narazılıq bildirdi.

Aqmescitte keçirilgen Rusiye nazirlerinen bugünki körüşüvinde Medvedev Rusiye yañı regionğa yatırımlarnı celp etmek maqsadınen Qırımda mahsus bir iqtisadiy zonanı meydanğa ketirecegini bildirdi. O, Qırım işleri Nazirliginiñ meydanğa ketirilüvi aqqında ilân etti.

Medvedevniñ aytqanına köre, Rusiye Qırımda nefaqa, devlet bücetinden maliye etilgen müessise hadimleri ve arbiy adamlarnıñ aylıqlarını Rusiyede olğan orta aylıqlarnıñ seviyesine qadar arttıracaq.

Rusiye Qırımnı işğal etken soñ, Rusiye reberligi yarımadanı ilk sefer ziyaret ete.

Medvedevniñ Aqmescitke ziyareti vaqtında şeerde telükesizlik tedbirleri quvetleştirildi.
XS
SM
MD
LG